December 3, 2011

ఇట్టి ముద్దులాడి బాలు డేడవాడు



ఇట్టి ముద్దులాడి బాలు డేడవాడు వాని పట్టి తెచ్చి పొట్టనిండ పాలు వోయరే||


గామిడై పారితెంచి కాగెడి వెన్నెలలోన చేమ పూవు కడియాల చేయి వెట్టి
చీమ గుట్టెనని తన చెక్కిట కన్నీరు జార వేమరు వాపోయే వాని వెడ్డు వెట్టరే ||

ముచ్చువలె వచ్చి తన ముంగ మురువుల చేయి తచ్చెడి పెరుగులోన  తగబెట్టి
నొచ్చెనని చేయిదీసి నోర నెల్ల జొల్లుగార వొచ్చెలి వాపోవువాని నూరడించరే ||

ఎప్పుడు వచ్చెనో మా యిల్లు చొచ్చి పెట్టెలోని చెప్పరాని వుంగరాల చేయి వెట్టి
అప్పడైన వేంకటాద్రి అసవాలకుడు గాన తప్పకుండ పెట్టె  వాని తలకెత్తరే ||


ఇక్కడ వినండి:






No comments:

Post a Comment

Related Posts Plugin for WordPress, Blogger...