సగము మానిసిరూపు సగము మెగపురూపు -- అన్నమాచార్య సంకీర్తనలు

రాగం: నాట

శృంగార కీర్తనలు

Volume-18

Page No-140

సంకీర్తన -209

Download (G Balakrishna Prasad)




సగము మానిసిరూపు సగము మెగపురూపు
అగణిత ప్రతాపపు అహోబళేశుడు ||

గద్దెమీద కూచున్నాడు కంబములో పుట్టినాడు

కొద్దిమీర కడు నవ్వుకొంటానున్నాడు  |

వొద్దనె శ్రీసతి చన్ను లొరయిచున్నవాడు

అద్దివో చూడరమ్మ అహోబలేశుడు ||

పెను మీసాలవాడు పెదపెద గోళ్ళవాడు

ఘనునిగా ప్రహ్లాదుని కాచుకున్నాడు |

మనసిచ్చిన సురలతో మాటలాడుచున్నవాడు

అనుప తేజుడమ్మ అహోబలేశుడు ||

వేవేల చేతులవాడు వెన్నెల ఛాయలవాడు

భావించి కొల్చినవారి పాలిటివాడు |

శ్రీ వేంకటగిరి మీద చేరి భవనాశిదండ

ఆవల నీవల మించె అహోబలేశుడు ||

గమనిక:  నాకు Internet లో లిరిక్స్,ఆడియో కనపడని అన్నమయ్య  సంకీర్తనలను అందించాలని చిన్ని ప్రయత్నం... వీటిని నేనే టైప్ చేసాను కనుక అక్షరదోషాలు ఉంటే క్షమించి తెలియజేయగలరు...